Ekskluzive: Operacioni masiv i Speciales – këta janë të arrestuarit

22 persona janë arrestuar mëngjesin e së martës pas një aksioni të suksesshëm të Prokurorisë Speciale dhe njësitit antidrogë të Policisë së Kosovës.

Aksioni është zhvilluar në 47 lokacione dhe për përfundimin e tij me sukses janë përfshirë rreth 600 zyrtarë të Policisë së Kosovës.

Përmes burimeve brenda organeve të drejtësisë, Paparaci ka mësuar identitetin e 10-të të arrestuarve.

Nga aksioni i PSRK-së në Prishtinë janë arrestuar Yll Musliu dhe Shemsi Bahtiri, ndërkaq ndodhet në arrati djali i tij, Briliant Bahtiri.

Numri më i madh i të arrestuarve është nga rajoni i Pejës.

Sipas burimeve të Paparacit, nga aksioni në Pejë janë arrestuar: Andi Vokshi, Arianit Krasniqi, Rafet Shabani, Blerim Sheremit, Rifat Buqetaj, Blerim Sharapolli, Lorik Tigani dhe Onur Vizdik.

Gjatë realizimit të këtij aksioni janë është gjetur dhe sekuestruar sasi e konsiderueshme e provave materiale, dhe pasurive të specifikuara duke përfshirë: lëndë narkotike, 29 vetura, 134 e 900 mijë para të gatshme, 20 mijë e 40 franga zvicerane, 490 dollarë, 13 mijë euro para të falsifikuara, 9 orë dore të markave të njohura, 36 armë të llojeve të ndryshme, 1569 fishekë të ndryshëm, 1292 copë municione të ndryshme, një prese për paketimin e heroinës dhe kokainës, laptopë, telefona, usb dhe dokumente të ndryshme.

Po ashtu janë ngrirë mjete në llogari bankare në vlerë prej 500 mijë euro, dhe janë vënë nën urdhër ndalues të gjitha paluajtshmëritë e të pandehurve në këtë rast.

Operacioni i koduar “Qielli i Thyer”, është përkrahur nga autoritetet e Belgjikës, Holandës, Europol-it, dhe është udhëhequr nga Prokurori i PSRK-së, i cili ka qenë prezent gjatë realizimi të urdhër kontrollit.