Largohet një mesfushor nga Llapi

Ergyn Ahmeti largohet nga Llapi pas dy viteve të plota dhe tani është lojtar i lirë për këtë afat kalimtar veror.  

Mesfushori mitrovicas, 29-vjeçar, njihet për vizionin e tij të mprehtë në fushë, pasimet e sakta dhe goditjet e fuqishme që e bëjnë të vlefshëm për çdo ekip.  

Pas përfundimit të kontratës, ka interesimi për shërbimet e tij dhe pritet që në ditët në vijim ai të marrë një vendim për të ardhmen e tij. 

Ahmeti është një emër i njohur në futbollin kosovar, duke luajtur më parë për Trepçën, Prishtinën, Dritën dhe Dukagjinin.  

Klubi i ri do të jetë një hap i rëndësishëm për karrierën e tij, ndërsa ai mbetet i fokusuar në gjetjen e një sfide të re për sezonin e ardhshëm. /Telegrafi/