Lumir Abdixhiku viziton punëtorët pas mesnate

Në këto orë të vona, kryetari i LDK-së, Lumir Abdixhiku së bashku me të parin e Prishtinës, Përparim Ramën, kanë vizituar punëtorët e Tunelit të Kurrizit.

Këtë e ka bërë të ditur vetë Abdixhiku me anë të një postimi në facebook.

Më poshtë postimi i tij:

Në këto orë të vona pas mesnate, vizituam punëtorët e palodhshëm të ndërrimit të tretë në punishten e Tunelit të Kurrizit – aty ku po shfaqet një ritëm i ri i vendpunishteve të Kryeqytetit.

Do të punohet gjithandej në Prishtinë – në çdo lagje e në çdo rrugë, në projekte që hapin arterie të reja urbane dhe që i japin Kryeqytetit tonë një identitet të ri zhvillimor.

Kjo është Prishtina që po ndërtohet me përkushtim nga LDK. Me vizion dhe insistim pavarësisht secilës pengesë. Me Përparimin si Kryetar, me Sokolin e Gëzimin e të tjerë plot në shërbim të qyterarëve, qytetit e vendit.