Lumir Abdixhiku viziton BIK-un për Kurban Bajram

Për festën e Kurban Bajramit, i pari i Lidhjes Demokratike të Kosovës, Lumir Abdixhiku, ka vizituar Bashkësinë Islame të Republikës së Kosovës.

Abdixhiku në BIK u mirëprit nga myftiu i Kosovës, Naim ef. Tërnava.

Më poshtë postimi i LDK-së:

Kryetari i Lidhjes Demokratike të Kosovës, Lumir Abdixhiku me bashkëpunëtorë nga Bashkësia Islame e Kosovës, ka uruar për festën e Kurban Bajramit Myftiun Naim Tërnava, dhe qytetarët e besimit islam në Kosovë.

Kryetari Abdixhiku uroi që kjo ditë e sakrificës, të shërbej si mësim për devotshmëri ndaj krijuesit, solidaritet ndaj njëri tjetrit dhe dashuri ndaj vendit tonë Republikës së Kosovës.

“Kjo ditë dhe kjo festë e sakrificës le të na shërbej si mësim për devotshmëri ndaj krijuesit, si mësim për solidaritet ndaj njëri-tjetrit, si mësim për dashurinë ndaj vendit dhe Republikës së Kosovës.

Me fat të gjithëve!”