Plagosje pas një konflikti mes fqinjëve në Shqipëri, burri dhe gruaja përfundojnë në spital

Një ngjarje e rëndë është shënuar në fshatin Gosë të Rrogozhinës, ku dy persona kanë mbetur të plagosur pas një konflikti me fqinjët, shkruan Gazeta Sinjali.

Burime për A2 CNN bëjnë me dije se të plagosurit janë Sami dhe Nadire Disha, bashkëshortë, ndaj të cilëve është qëlluar me armë nga komshiu i tyre. Ngjarja dyshohet të ketë ndodhur për motive banale.

Të plagosurit janë dërguar me urgjencë në spital, ndërsa policia ka nisur hetimet dhe është në kërkim të autorit të dyshuar. Forcat e rendit ndodhen në vendin e ngjarjes për të sqaruar rrethanat.