Aksidenti i çuditshëm në Shqipëri, pas dy ditësh gjendet gjallë një 35-vjeçar që kishte humbur
Një ngjarje e pazakontë është regjistruar në Bulqizë, ku një person, i cili ishte shpallur në kërkim, është gjetur pas një aksidenti automobilistik, megjithatë ai kishte shenja jete, duke habitur banorët e zonës.
Ngjarja ka ndodhur pasditen e 6 qershorit, kur disa banorë kanë njoftuar Policinë për një automjet të përmbysur pranë lumit, duke dyshuar se mund të kishte viktima.
Shërbimet e Policisë kanë mbërritur në vendngjarje dhe, pas verifikimeve, kanë identifikuar drejtuesin e automjetit, shtetasin I.N., 35 vjeç, i cili ishte shpallur në kërkim pas një kallëzimi të bërë nga babai i tij, i cili denoncoi largimin e djalit nga shtëpia.
I.N. është dërguar për ndihmë mjekësore në spitalin e Traumës, ndërkohë që grupi hetimor ka nisur punën për zbardhjen e plotë të rrethanave të këtij aksidenti.
