Sadiku: Serbia në konferencë s’ishte e qetë – Shqipëria super optimiste për fitore

Drejtorit i futbollit në platformën më të madhe shqiptare, Artmotion, Arlind Sadiku, ka bërë të ditur se aktualisht kombëtarja shqiptare po e kryen stërvitjen e fundit përpara ndeshjes kundër Serbisë.

Sadiku tha se te kombëtarja kuqezi të gjithë janë super optimist se do ta mposhtin Serbinë, por tha se ajo që ra në sy te konferenca e Serbisë ishte pasiguria që e kishin serbët.

“Të gjithë janë super optimist që mund të mposhtet Serbia, por ajo që ka rënë në sy është konferenca jo e zakonshme e Serbisë, ku trajneri Stojkoviq dhe futbollisti Mitroviq nuk ishin shumë të sigurt në mënyrën se si shpreheshin”.

“Kombëtarja e Serbisë nuk është e qetë përpara ndeshjes me Shqipërinë, pavarësisht që forcat e sigurisë janë në numër shumë të madh”, tha Sadiku, njofton Klankosova.tv.

Tutje, ai u shpreh se në Tiranë ka forca të shumta të sigurisë nga Shqipëria, por nuk mungojnë as ato nga Serbia.

“Megjithatë, atmosfera në Tiranë është e relaksuar dhe tifozët mund të sillen lirshëm në ambientet rreth stadiumit. Kombëtarja serbe është vendosur në një largësi rreth 2 kilometra larg stadiumit”.

“Nëse Shqipëria fiton shkon në kuotën e gjashtë pikëve, ndërsa Serbia do të mbetej me zero pikë”, tha ai.

Ndeshjen mes Shqipërisë dhe Serbisë mund ta ndiqni ekskluzivisht në Klan Kosova.