Sherr për një vend parkimi në Ksamil, lëndohen pesë persona
Një debat për një vend parkimi ka përfunduar me konflikt fizik mbrëmjen e së premtes në Ksamil. Ngjarja ndodhi pranë një zone të frekuentuar nga qytetarët dhe turistët, ku pas një përplasjeje verbale, situata ka dalë jashtë kontrollit.
Në përleshje janë përfshirë dy shtetas turq, Hasan Can Gurhan (26 vjeç) dhe Aden Ugras (27 vjeç), të dy me banim në Kosovë, si dhe një banor vendas, Adriatik Mollanji.
Pas sherrit, të lënduarit janë transportuar në spitalin e Sarandës për trajtim mjekësor. Burime të TCH nga vendngjarja bëjnë të ditur se, për fat të mirë, asnjë nga personat e përfshirë nuk ka pësuar lëndime serioze.
Menjëherë pas incidentit, forca të shumta policie mbërritën në vendin e ngjarjes dhe shoqëruan personat e përfshirë në komisariat, për të dhënë dëshmitë dhe për të zbardhur rrethanat e konfliktit.
