Policia vret gruan që plagosi dy persona kalimtarë me thikë në Mynih

Një grua 30-vjeçare u qëllua dhe më pas vdiq në spital pas një përplasjeje me policinë në Mynih, pasi kishte plagosur lehtë dy persona me thikë, shkruan Gazeta Sinjali.

Sulmi filloi në Westendstraße dhe vazhdoi në Schwanthalerhöhe, ku policia u përpoq ta arrestonte gruan, e cila mbante thikën në dorë.

Pas disa të shtënave pranë Theresienwiese, ajo u qëllua nga forcat e sigurisë.

Të plagosurit janë një burrë 56-vjeçar dhe një grua 25-vjeçare, dhe policia konfirmon se nuk ka rrezik për publikun dhe nuk ka lidhje mes autorit dhe viktimave.