Vajza 16-vjeçare dyshohet se sulmoi nënën

Numri i rasteve të dhunës në familje ka marrë përmasa shqetësuese në vendin tonë, pasi çdo ditë persona të ndryshëm përfundojnë në pranga si të dyshuar për dhunë ndaj familjarëve. Këto raste bëhen edhe më të rënda, kur viktima janë prindërit të cilët përjetojnë dhunë psikike e fizike nga fëmijët e tyre, raporton Gazeta Sinjali.

Një rast i tillë i dhunës në familje është raportuar në orët e para të mëngjesit në fshatin Raushiq të Pejës, ku një vajzë e mitur dyshohet se ka sulmuar nënën e saj gjatë një përplasjeje në shtëpi.

Sipas burimeve të sigurta, rreth orës 00:00, më 08.06.2025, Policia ka marrë një informacion për një incident të ndodhur në familjen G, pas së cilës njësia patrulluese ka dalë menjëherë në vendin e ngjarjes.

Viktima, e identifikuar si Sh. G., 39 vjeçare, ka deklaruar para zyrtarëve policorë se vajza e saj, B.G., 17 vjeçare, e kishte shtyrë gjatë një përplasjeje verbale në momentin e largimit nga shtëpia. Si pasojë e shtyrjes, viktima kishte fërkim fizik me murin, duke pësuar  një lëndime të lehta trupore, por ka refuzuar të marrë trajtim mjekësor.

Të dyja palët janë shoqëruar në Stacionin Policor, ku janë intervistuar nga njësia për dhunë në familje.

Pas konsultimit me Prokurorin e Shtetit, është marrë vendimi që rasti të inicohet si “Dhuna në familje”, ndërsa me pëlqimin e dy prindërve, vajza është lejuar të kthehet në shtëpinë e saj.