Xhuli: Telefonova Dukën dhe i thash siguromi 9 bileta

Për ta shikuar ndeshjen ndaj serbisë në Air Albania, interesimi i shqiptarëve ishte shumë i madh. Raportohet që për këtë ndeshje aplikuan më shumë se 200 mijë tifozë për të siguruar bileta.

Për shkak të interesimit të madh, Federata Shqiptare e Futbollit vendosi ta bëjë përzgjedhjen e biletave me short, por jo edhe për modelen kosovare, Juliana Nura.

E ftuar në T7, Xhuli tha se biletën e siguroi nga i pari i FSHF-së, Armand Duka. Ajo tregoi që e telefonoi Dukën dhe i kërkoi 9 bileta për këtë ndeshje.

Për këtë ndeshje të rëndësishme bileta nuk kishte për Tifozat Kuq e Zi, por në tribunë nuk munguan VIP-at. Motrat Vjollca, Marina dhe Luana, Ermal Mamaqi, Xhuli, zyrtarë të lartë të Shqipërisë e këngëtarë nuk munguan në stadium. Të thuhet që të gjithë këta VIP-a siguruan biletat me short është pak e besueshme.

Kryesisht në stadium kishte tifozë që fare nuk e përkrahën Kombëtaren e Shqipërisë, fatkeqësisht munguan ata që për vite të tëra janë pranë Kombëtares, si në fitore si në humbje, pra Tifozat Kuq e Zi.