Arrestohet hajni i “Viva Fresh Store”

Një person është arrestuar pasi dyshohet se ka kryer disa vjedhje të njëpasnjëshme në një market.

Sipas ankueses, e cila është menaxhere e marketit, i dyshuari kishte arritur të përvetësojë produkte ushqimore gjatë një rasti, duke shkaktuar dëme materiale.

Po ashtu, raportohet se i njëjti kishte kryer edhe dy vjedhje tjera në ditët paraprake, me dëme që në total arrijnë në rreth 135 euro.

Pas identifikimit, i dyshuari është intervistuar në prani të avokatit mbrojtës, ku ka pranuar fajësinë për veprat me të cilat ngarkohet.

Me udhëzim të prokurorit kujdestar, rasti është iniciuar si “Vjedhje”, ndërsa i dyshuari është dërguar në mbajtje për 48 orë.