Rrahje mes grave në sallon bukurie

Një përleshje fizike mes katër femrave ka ndodhur pasditen e së hënës në lagjen e Spitalit në Prishtinë, duke alarmuar policinë dhe përfunduar me ndalimin e të dyshuarave për 48 orë.

Gazeta Sinjali mëson se rasti ka ndodhur më 9 qershor rreth orës 15:30 në lokalin “Sibora Nails” në rrugën “Konstandin Kristoforidhi”, ku ka shpërthyer një konflikt fizik mes E.S, 33 vjeçare, A.R, 31 vjeçare, M.S,28 vjeçare – motra mes vete, dhe L.A, 23 vjeçar.

Sipas dëshmisë së pronares së sallonit, S.E., 22 vjeçare, e cila njoftoi policinë, konflikti nisi kur motrat kishin hyrë në lokal për të “diskutuar” me L.A lidhur me një mosmarrëveshje të mëparshme – por takimi përfundoi në përleshje fizike.

Të dyshuarat janë shoqëruar në stacionin policor dhe pas intervistimit në prezencë të avokatëve, me urdhër të Prokurorit Kujdestar janë ndaluar për 48 orë. Rasti është cilësuar si “Lëndim i lehtë trupor” dhe po hetohet nga njësia përkatëse.