“Presion i padurueshëm” – gruaja nga Prishtina denoncon burrin për dhunë psikike

Një grua nga Prishtina ka denoncuar bashkëshortin e saj për presion të vazhdueshëm psikik, në një tjetër rast dhune në familje që po trajtohet nga organet e drejtësisë, raporton Gazeta Sinjali.

Ngjarja ka ndodhur dje në kryeqytet, ku viktima R.A. ka raportuar në Stacionin Policor të Jugut se bashkëshorti i saj, B.M. është duke ushtruar ndaj saj dhunë psikologjike për një periudhë të gjatë.

Të dy palët janë shoqëruar në stacionin policor dhe janë intervistuar nga zyrtarët hetues. Rasti është trajtuar në prani të zyrtarëve të Qendrës për Punë Sociale.

Burimet e Sinjalit bëjnë me dije se pas konsultimeve me Prokuroren kujdestare për raste të dhunës në familje, është urdhëruar që rasti të inicohet dhe të hetohet në procedurë të rregullt.

Hetimet janë duke vazhduar.