“E kapi për fyti dhe e futi me forcë në veturë” – Gruaja denoncon bashkëshortin për dhunë fizike

Numri i rasteve të dhunës në familje në Kosovë ka shënuar rritje, duke alarmuar autoritetet për përmasat shqetësuese të këtij fenomeni. Viktimat janë kryesisht gra dhe vajza që përjetojnë dhunë fizike dhe psikike, kryesisht nga bashkëshortët e tyre.

Një rast i dhunës në familje është raportuar të premten mbrëma në fshatin Makovc të Prishtinës, ku një grua ka njoftuar policinë për sulmin fizik që ka përjetuar nga bashkëshorti i saj.

Burimet e Sinjalit bëjnë me dije se rreth orës 20:30, Policia është njoftuar për një incident në familje. Pala ankuese, V.M., rreth 38-vjeçare, ka deklaruar se pas një mosmarrëveshjeje me bashkëshortin B.M., rreth 30-vjeçar ky i fundit e ka kapur për fyti, e ka futur me forcë në veturë dhe e ka dërguar në shtëpinë e nënës së saj.

V.M. ka pranuar ndihmë mjekësore, ndërsa i dyshuari është shoqëruar në stacionin policor, ku ka mohuar të ketë ushtruar dhunë.

Me vendim të Prokurorit për dhunë në familje, rasti është cilësuar si “Dhunë në familje”, ndërsa B.M. është liruar në procedurë të rregullt.