Transport i kundërligjshëm i drunjëve në këtë fshat të Podujevës

Një rast i transportit të kundërligjshëm të drunjve është zbuluar nga Policia e Kosovës gjatë patrullimeve të rregullta në terren. Pas ndalimit të një mjeti transportues, zyrtarët policorë kanë konstatuar se po transportohej masë drunore pa dokumentacionin e nevojshëm.

Rasti ka ndodhur në fshatin Lluzhan të Podujevës, ku policia ka ndaluar një kamion që drejtohej nga një mashkull kosovar.

Gjatë kontrollit të mjetit është vërejtur se në kamion ishte e ngarkuar një sasi drunjsh për djegie, ndërsa drejtuesi i mjetit nuk posedonte dokumente përkatëse dhe as fletë përcjellëse për transportimin e tyre.

Sipas autoriteteve, masa drunore është konfiskuar dhe është dërguar për matje në Agjencinë e Pyjeve, ndërsa i dyshuari pas intervistimit është liruar me vendim të prokurorit në procedurë të rregullt. /PodujevaSot