Ky është kandidati i VV-së për kryetar të Prishtinës

Hajrulla Çeku do të jetë kandidati i Lëvizjes Vetëvendosje për Prishtinën në zgjedhjet lokale që do të mbahen më 12 tetor.

Kështu ka raportuar të martën KOHA.

Prezantimi i kandidaturës së Çekut pritet të bëhet nesër (e mërkurë) nga ora 17:00.

LVV-ja, që fitoi zgjedhjet parlamentare me 42%, synon ta kthejë drejtimin e Komunës së Prishtinë pas katër vjetëve nën qeverisjen e Përparim Ramës së Lidhjes Demokratike të Kosovës.

Rama në zgjedhjet komunale të vitit 2021 e mundi Arben Vitinë e LVV-së në balotazh.

Partitë e tjera, veç Aleancës për Ardhmërinë e Kosovës (AAK) dhe Partisë Socialdemokrate (PSD), nuk kanë zyrtarizuar kandidaturat. AAK-ja do të kandidojë me Bekën Berishën, ndërsa PSD-ja me Besa Shahinin.