Vendoset gurthemeli i një projekti nga Jetimat e Ballkanit

Halil Kastrati nga Jetimat e Ballkanit ka njoftuar për një projekt të rëndësishëm të shoqatës në Prizren.

Me anë të një postimi në facebook, Kastrati ka thënë që po ndërtohet selia qendrore e shoqatës.

Më poshtë postimi i tij:

LAJM I MADH – E NISËM!

Me emër të Zotit, sot filluam ndërtimin e një ëndrre që e kemi pritur 8 vite!

Vendosëm gurthemelin e selisë qendrore të Shoqatës “Jetimat e Ballkanit” në Prizren një vatër humanizmi dhe shërbimi për mijëra qytetarë të Komunës së Prizrenit.
Ky objekt do të përfshijë:

Qendër ditore për të moshuarit
Kuzhinë humanitare
Bujtinë për studentë
Amfiteatër dhe zyra

Faleminderit Komunës së Prizrenit, kryetarit Shaqir Totaj dhe gjithë asamblesë Komunale për përkrahjen!
Bamires, Zoti kurrë mos ju humbtë!