Ardita humb betejën me sëmundjen

Përmes një postimi në rrjetet sociale, deputeti Bledjon Ballbati ka bërë me dije se mëngjesin e sotëm, kryetarja e grave të Partisë Demokratike, rrethi i Devollit, Ardita Kapo nga Shqipëria, ka mbyllur sytë përgjithmonë, dukë lënë pas dy vajza të mitura.

Pas një beteje të ashpër me një sëmundje e cila e stërmundoi për vite me radhë, Ardita ndërroi jetë në moshën 38-vjeçare.

Ardita ishte një grua e jashtëzakonshme, një mike e mirë, e cila asnjëherë nuk u ndal para sfidave, as atëhere kur motra dhe nëna e saj humbën jetën po nga e njëjta sëmundje.

Për vite me radhë përballoi një sëmundje të rëndë, por asnjëherë nuk humbi forcën, buzëqeshjen dhe dashurinë për jetën.

Ardita Kapo ishte zëri i grave, një lidere që i deshi njerëzit dhe u shërbeu me përkushtim si kryetare e grave të Partisë Demokratike.