Naim Murseli përfundon ekzaminimin në Neurologji, rikthehet në Psikiatri ku qëndron prej një jave
Naim Murseli, i akuzuari për vrasjen e gruas së tij Liridona Ademaj, ka përfunduar ekzaminimin në Klinikën e Neurologjisë në QKUK, por më pas është rikthyer në Institutin e Psikiatrisë Forenzike, ku qëndron prej shtatë ditësh, shkruan Gazeta Sinjali.
Drejtori i Institutit të Psikiatrisë Forenzike, Shpend Haxhibeqiri, tha se Murseli do të qëndrojë në institut deri në përfundimin e ekzaminimit të plotë dhe sipas vlerësimit të mjekëve.
Kërkesa për ekzaminim psikiatrik ndaj Murselit ishte aprovuar më 4 qershor gjatë seancës gjyqësore në rastin e vrasjes së Liridona Ademajt. Për këtë rast, janë të akuzuar edhe Granit Plava dhe Kushtrim Kokalla.
