Arrestohet shqiptari me 6 kg kokainë të fshehur në makinë në Itali

Një sasi masive droge është sekuestruar gjatë kontrolleve të Policisë Italiane në Piza, ku është arrestuar një 31-vjeçar shqiptar, shkruan Gazeta Sinjali.

Ngjarja ndodhi pranë Crespina Lorenzana, gjatë një kontrolli trafiku ku shoferi tentoi të shmangte kontrollet duke lëvizur në rrugë dytësore.

Policia vuri re sjellje të dyshimtë dhe gjatë kontrollit gjeti një pajisje magnetike që hapte një vend të fshehtë në makinë, ku ishin fshehur 6 blloqe kokainë me peshë rreth 5.9 kilogramë.

Në shtëpinë e tij në Cascina, u gjetën edhe 6,800 euro para në dorë dhe mjete për përpunimin e drogës.