Dhuna s’ndalet as pas ndarjes – Ish-bashkëshortët nga Prishtina përfundojnë në polici

Një rast dhune në familje është regjistruar mbrëmjen e së dielës në Prishtinë, ku dy ish-bashkëshortë janë përfshirë në një konflikt që ka kërkuar ndërhyrjen e Policisë dhe aktivizimin e prokurorit kujdestar.

Burime të Sinjalit bëjnë me dije se më 22 qershor 2025, rreth orës 20:30, Policia ka pranuar një informatë për dhunë në familje në rrugën “Isa Kastrati”. Në këtë rast janë përfshirë L.P, 40 vjeçar dhe G.P, 38 vjeçare , të cilët kishin qenë të martuar për 5 vite dhe aktualisht janë të ndarë tash e një vit, ndërsa procesi i divorcit është ende në zhvillim.

Të dy personat janë intervistuar në cilësinë e të dyshuarve. Pas konsultimit me Prokurorin Kujdestar, është iniciuar rasti për veprën “Dhunë në familje”, ndërsa të dy janë liruar në procedurë të rregullt.

Hetimet janë në zhvillim për të sqaruar rrethanat dhe përgjegjësitë ligjore të palëve të përfshira.