Tentoi t’i shtypë dy police me makinë – arrestohet 38-vjeçari në Gjermani
On February 23, Germany elects a new Bundestag. The issue of migration plays a particularly important role, not least for supporters of the far-right AfD party - seen here at a demonstration in front of the Reichstag building in Berlin, the seat of the Bundestag, in 2022. (Photo by Christoph Soeder/dpa)
Një ngjarje e rëndë ka ndodhur në Gjermani, ku një burrë 38-vjeçar është përpjekur të vrasë dy police duke i shtypur me makinë në një parking. Incidenti ndodhi në qytetin Peine të Landit të Saksonisë së Poshtme.
Sipas mediave gjermane, dy oficeret e policisë po reagonin ndaj një situate në një parking kur burri, i cili ndodhej në një veturë të parkuar, refuzoi të identifikohej dhe papritur ndezi motorin. Ai i drejtoi veturës drejt policeve me qëllim që t’i godiste.
Për fat të mirë, oficeret arritën të shmangnin goditjen në momentin e fundit. I dyshuari u largua me shpejtësi nga vendi i ngjarjes, por u arrestua pak më vonë nga forcat e rendit.
Prokuroria po e heton rastin si “tentativë vrasjeje ndaj zyrtarëve të shtetit”.
Autoritetet gjermane janë shprehur se rasti është “jashtëzakonisht shqetësues” dhe theksojnë se sulmet ndaj forcave të rendit nuk do të tolerohen.
