Benzema e Vinicius i shkruajnë modeles shqiptare, ajo i publikon mesazhet

Modelja dhe influencerja e njohur shqiptare-boshnjake, Melisa (e njohur në rrjet si Melimtx), ka bërë bujë në rrjetet sociale pasi gjatë një transmetimi LIVE ndau me ndjekësit e saj disa mesazhe private (DM) që ka marrë nga emra të njohur të futbollit botëror.

Në videot që janë bërë virale në TikTok dhe Instagram, Melimtx publikoi screenshot-e që tregonin se në “inbox”-in e saj kishin shkruar Karim Benzema, Vinícius Jr dhe Rafael Leão.

Të tre futbollistët duket se i kishin shkruar për të flirtuar dhe, sipas saj, i kishin propozuar madje edhe takime private.

Megjithëse modelja nuk i lexoi me zë të lartë të gjitha mesazhet, komentet dhe pamjet treguan se bëhej fjalë për përpjekje për të krijuar kontakt personal me të.

Nuk ka ende ndonjë reagim nga asnjëri prej futbollistëve të përmendur, por ngjarja ka ndezur debat në rrjete sociale rreth etikës së publikimit të bisedave private si dhe sjelljes së figurave publike në internet.