Ky është i arrestuari për sulmin seksual ndaj punëtores në marketin “Emona Center”

Gazeta Sinjali pak më parë raportoi për një rast të rëndë të ngacmimit seksual që ka ndodhur në orarin e punës, sot rreth orës 12:00, në rrugën “Knjaz Millosh” në Mitrovicë të Veriut.

Sinjali mëson ekskluzivisht se personi i arrestuar për ngacmimin seksual është Nexhmedin Abiti, 58-vjeçar.

Ai dyshohet se ka ngacmuar seksualisht punëtoren e marketit “Emona Center”, duke e prekur nga pas në mënyrë të pahijshme, ndërkohë që ajo ishte e përkulur duke kryer detyrat e punës.

Pas denoncimit dhe ndërhyrjes së menjëhershme të Policisë, me urdhër të prokurorit kujdestar, i dyshuari është dërguar në mbajtje për 48 orë, ndërsa rasti është iniciuar në drejtim të veprës penale “Sulm seksual”.

Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.