Reja sulmon vjehrrin

Numri i rasteve të dhunës në familje ka marrë përmasa shqetësuese në vendin tonë. Çdo ditë raportohen raste të ndryshme, ku përfshihen burra e gra, prindërit e fëmijët. Një ngjarje e tillë ka ndodhur së fundmi në fshatin Kryshevc të Obiliqit, ku një përplasje verbale mes familjarëve ka çuar në ndërhyrjen e Policisë.

Burime të Sinjalit bëjnë me dije se viktima është F.B., rreth 66-vjeçar, i cili ka raportuar se pas një debati verbal me rejen e tij, F.K.B, rreth 39-vjeçare, situata ka eskaluar në shtyrje fizike.

Të dy palët janë intervistuar në Stacionin Policor, bashkë me një dëshmitar të pranishëm në momentin e ngjarjes.

Njësia për Hetimin e Dhunës në Familje, në konsultim me Prokurorin e Shtetit, ka marrë vendim që rasti të iniciohet në drejtim të veprës penale “Dhuna në familje” dhe të procedohet me procedurë të rregullt.

Hetimet janë në vijim dhe autoritetet po analizojnë rrethanat e konfliktit familjar.