Këta janë të arrestuarit për rrahjen brutale

Gazeta Sinjali pak më parë raportoi për një përleshje fizike që ka ndodhur mbrëmjen e së martës, në fshatin Poklek i Ri – Komuna e Drenasit, e cila ka rezultuar me dy persona të lënduar rëndë dhe tre të arrestuar.

Sinjali mëson ekskluzivisht se tre personat e arrestuar për rastin e sulmit të ndodhur më 24 qershor 2025 në Poklek të Ri – Gllogoc, janë: Kastriot Ferizi, rreth 46-vjeçar, Alban Ferizi, rreth 42-vjeçar dhe Faton Rrustemi, rreth 44-vjeçar.

Sipas burimeve, përleshja kishte ndodhur për çështje pronësore dhe ka rezultuar me lëndimin e dy personave: H.S., dhe D.S., të cilët kanë marrë trajtim mjekësor fillimisht në QKMF – Drenas dhe më pas në QKUK – Prishtinë.

Të dyshuarit janë intervistuar në prani të avokatëve mbrojtës dhe me urdhër të prokurorit kujdestar, janë dërguar në ndalim për 48 orë, ndërsa rasti është iniciuar si “Sulm” dhe po trajtohet me procedurë të shpejtë.

Hetimet janë në zhvillim.

Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.