Aksident i rëndë, vetura rrokulliset disa herë

Një aksident i rëndë trafiku ka ndodhur sot në fshatin Lushtë të Mitrovicës, ku është përfshirë një veturë dhe për pasojë katër persona kanë mbetur të lënduar, raporton Gazeta Sinjali.

Sinjalizues të Sinjalit kanë bërë me dije se aksidenti ndodhi pasi shoferja e veturës ka humbur kontrollin dhe është rrokullisur disa herë. Në vendin e ngjarjes ka dalë Policia, ndërkohë që të lënduarit kanë marrë trajtim mjekësor në Spitalin rajonal në Mitrovicë.

Burimet nga QKUK-ja kanë njoftuar se njëri prej të lënduarve është pranuar në këtë Emergjencë, ku po vazhdon trajtimin.

Kujtojmë se pothuajse çdo ditë raportohen numër i madh i aksidenteve të trafikut dhe shumica prej tyre shkaktohen si pasojë e mosrespektimit të rregullave në trafik. Moszbatimi i këtyre rregullave po dëshmohet edhe me gjobitjen e shoferëve.