Ky do të jetë kandidati për kryetar të Podujevës nga AAK

Aleanca për Ardhmërinë e Kosovës (AAK) ka arritur në fazën përmbyllëse të nominimeve për kryetarë komunash për zgjedhjet lokale që do të mbahen në tetor 2025, shkruan Gazeta Sinjali.

Në mbledhjen e Këshillit të Përgjithshëm, janë miratuar me vota unanime 11 kandidatura për kryetarë komunash, duke përfshirë qytete kyçe si Podujeva, Gjilani, Prizreni, Ferizaj dhe Mitrovica.

Kandidaturat e zyrtarizuara janë: Baki Feta (Podujevë), Nazim Gagica (Gjilan), Besnik Krasniqi (Prizren), Xhemile Murati (Ferizaj), Qazim Nimani (Mitrovicë), Faton Jakupi (Kamenicë), Ukë Blakaj (Istog), Agron Kuçi (Junik), Vildane Latifi (Fushë Kosovë), Labinot Bislimi (Viti) dhe Ilir Tasholli (Lipjan).

Gjatë takimit, përfaqësues të partisë diskutuan edhe për ndryshimet në rregulloren zgjedhore, përgatitjet organizative dhe auditimin financiar për vitin 2024.

AAK njoftoi se në ditët në vijim do të zyrtarizohen kandidaturat e tjera për komunat e mbetura, duke synuar një ofertë të fortë dhe konkurruese për qytetarët në zgjedhjet lokale.