E dhimbshme: Ky është personi
Një aksident tragjik trafiku ka ndodhur në orët e para të mëngjesit të sotëm në magjistralen Ferizaj – fshati Mohovcë, ku për pasojë ka humbur jetën një person.
Burime të Gazetës Sinjali bëjnë të ditur se viktima është Rinor Kashtanjeva, 28-vjeçar, i cili po drejtonte një veturë të tipit Fiat Punto me ngjyrë të zezë.
Sipas informatave nga vendi i ngjarjes, shkak i aksidentit dyshohet të ketë qenë mospërshtatja e shpejtësisë me kushtet e rrugës, gjë që ka bërë që automjeti të dalë jashtë rrugës dhe të shkaktojë vetaksident me pasoja fatale.
Ekipi mjekësor që ka dalë në vendin e ngjarjes ka konstatuar vdekjen e shoferit në vend, ndërsa rasti është konfirmuar edhe nga Policia e Kosovës.
Lidhur me këtë rast është njoftuar Prokurori Kujdestar, dhe hetimet janë duke u zhvilluar për zbardhjen e plotë të rrethanave që çuan në këtë tragjedi.
