Sot edhe një tentativë për të zgjedhur kryetarin e Kuvendit

Ngërçi institucional në Kuvendin e Kosovës po vazhdon tash e më shumë se disa muaj, ndërsa deputetët do të mblidhen sot,, në një tjetër tentativë për ta konstituuar Kuvendin dhe për të zgjedhur kryetarin e tij, raporton Gazeta Sinjali.

Në hapje të seancës e kaluar, Avni Dehari ftoi përfaqësuesit e subjekteve politike për një konsultë, në dritën e aktgjykimit të fundit të Gjykatës Kushtetuese.

Pas përfundimit të këtij takimi, Dehari informoi deputetët se të gjitha partitë politike të pranishme ishin të një mendimi: të ndërpritet vazhdimi i seancës së sotme.

Gjithashtu, edhe dje u takuan krerët e partive politike në një takim të thirrur nga Kurti, por nuk ishte se pati ndonje marrëveshje apo kordinim mes tyre.

Seanca është thirrur të fillojë në ora 11:00, por mbetet të shihet nëse do të ketë zhvillime konkrete apo një tjetër dështim.