Ushtrohet dhunë psikike ndaj të dashurës 17 vjeçare

Një rast dhune në familje është raportuar të shtunën pasdite në rrugën “Skënderbeu” në Gjakovë, ku viktimë dyshohet të jetë një vajzë e mitur.

Burimet e Sinjalit bëjnë me dije se konflikti ka ndodhur mes të miturës L.H.K., 17 vjeçare dhe partnerit të saj bashkëjetues, E.P, 24 vjeçar, pas një fjalosjeje me sharje dhe fyerje që ka shkaktuar ndikim të rëndë emocional tek ajo.

E mitura ka telefonuar Policinë, pas së cilës i dyshuari është arrestuar. Viktima ka refuzuar strehimin dhe urdhrin për mbrojtje, duke deklaruar se nuk ndjehet e rrezikuar.

Me vendim të prokurorit rasti është iniciuar dhe ndodhet nën hetime.