Rrahje mes çiftit pas pushimeve

Një incident i dhunës në familje është regjistruar të dielën mbrëma në rrugën “UCK” në Gjakovë, ku një konflikt verbal mes një çifti ka përfunduar me dhunë fizike.

Sinjali mëson se bëhet fjalë për L. K., 20 vjeçare, e cila dyshohet se ka sulmuar partnerin e saj intim, S.D., 35 vjeçar, pas një mosmarrëveshjeje që ka eskaluar me fyerje dhe sharje.

Burimet bëjnë të ditur se dyshja, të cilët ishin në një lidhje prej rreth një muaji dhe sapo ishin kthyer nga pushimet së bashku, kanë debatuar ashpër, e më pas e dyshuara e ka goditur me grusht në syrin e majtë viktimën, duke i shkaktuar lëndime trupore.

Sinjali mëson se çifti kishte pasur edhe më herët përplasje dhe një rast të ngjashëm është regjistruar më parë në Polici.

Për rastin është njoftuar Prokurori Kujdestar, i cili ka udhëzuar që rasti të iniciohet si “Dhunë në familje”, ndërsa e dyshuara është liruar në procedurë të rregullt.

Hetimet lidhur me ngjarjen janë në vazhdim.