Kurti për konstituimin e Kuvendit: I kemi tri javë kohë, më vonë nuk bën

Kryeministri në detyrë i Kosovës, Albin Kurti, ka thënë se kemi tri javë kohë për konstituimin e Kuvendit të Kosovës.

Ai ka thënë se “sa më herët aq më mirë, por më vonë nuk bën”.

Kurti foli edhe për takimin me presidenten Vjosa Osmani, ku tha se kanë diskutuar të gjitha pikat.

“Është konstatim i përbashkët që i kemi diç më shumë se 3 javë kohë, sa më herët më mirë, por më vonë nuk bën – ashtu ka thënë aktgjykimi i Gjykatës Kushtetuese”, tha ai në TËVË1.

“Nuk e di a i bie 26 apo 27 korrik, por deri në fund të muajit do të duheshin t’i kemi të përmbyllura të gjitha pikat”, ka thënë ai.

Kurti tha se kryesuesi i seancës nuk ka shkelur asnjë akt ligjor gjatë drejtimit të seancës.