Kelmendi zbulon skemën e mashtrimit në emrin e tij
Kur po diskutohet lidhur me sigurinë në rrjetet sociale, lajmet e rreme, mashtrimet dhe propaganda digjitale, gazetari dhe moderatori i “Rubikon”, Adriatik Kelmendi ka zbuluar një skemë të mashtrimit që është bërë në emrin e tij.
Kelmendi tha se e kishte telefonuar ish-kolegia gazetare, e cila kishte investuar 10 mijë euro, duke e klikuar një ‘hyperlink’ i ashtuquajtur “Nearest Edge”, në një lajm të rremë që pretendonte për bisedë mes gazetarit Adriatik Kelmendi dhe gazetarit Berat Buzhala.
“Më ka kontaktuar një ish-kolege gazetare, e cila më ka thënë që ajo dhe burri i saj kanë investuar 10 mijë euro këtu, pra kanë klikuar dhe thonë që ne jemi duke folur me dikë, pra dikush që e ka krijuar gjithë këtë skemë”, tha Kelemendi.
Me shaka, ai tha se e kishte këshilluar kolegen që paratë t’i nxirrte menjëherë. Derisa bëri të ditur se kishte marrë edhe mesazhe të tjera, ku ishte pyetur se si do të mundeshin të përfitonin para.
Por, ai nënvizoi se lajmet nuk janë të vërteta.
Ndiqeni videon për më shumë detaje:
