Për çka po akuzohet Party?

Ish-futbollisti i Arsenalit, Thomas Partey, është akuzuar për dhunim dhe sulm seksual, ka njoftuar të premten Policia Metropolitane e Londrës.

Partey përballet me pesë akuza për përdhunim dhe një akuzë për sulm seksual ndaj tre grave të ndryshme. Dy nga akuzat janë për dhunimin e një gruaje, ndërsa tri akuza lidhen me dhunimin e një gruaje tjetër. Për më tepër, një akuzë ka të bëjë me sulm seksual ndaj një gruaje të tretë.

32-vjeçari nga Gana ishte pjesë e Arsenalit deri të martën, kur kontrata e tij përfundoi. Ai ka luajtur për klubet e mëdha si Atletico Madridi, Mallorca dhe Almeria, ku ishte i huazuar. Në skuadrën londineze, Partey luajti për pesë vjet, duke realizuar nëntë gola dhe shtatë asistime në 167 ndeshje.

Akuzat e bëra ndaj tij ndodhin në vitet 2021 dhe 2022. Ai ka luajtur gjithashtu 188 ndeshje për Atletico Madridin, ku ka shënuar 16 gola dhe ka bërë 12 asistime, dhe është një nga kapitenët e ekipit të Ganës.

Partey do të paraqitet para Gjykatës në Londër më 5 gusht. Ai ishte arrestuar për herë të parë në korrik të vitit 2022, por emri i tij u mbajt i fshehur derisa hetimet vazhdonin. Ai kishte mbetur aktiv në skuadrën e Arsenalit ndërkohë që hetimet ishin duke u zhvilluar. Klubit londinez e kishte transferuar në vitin 2020 për një shumë prej 45 milionë eurosh.