Dy persona e mbushin veturën naftë me 100-she false

Një rast i falsifikimit të parasë është hapur mbrëmë në Polici në Prishtinë.

Ankuesi mashkull kosovar, punëtor në pikë të derivateve të naftës, ka informuar se ishin kryer pagesa nga persona të panjohur me dy kartëmonedha me vlera 100 euro, të cilat dyshohen të jenë të falsifikuara.

Kartëmonedhat janë konfiskuar nga njësia e krim-teknikës.

Në lidhje me rastin është kontaktuar prokurori kujdestar.