Ky është 27 vjeçari që ndërroi jetë

Gazeta Sinjali mëson se personi që ndërroi jetë në rrethana të dyshimta në orët e para të mëngjesit të sotëm në Lipjan është Agon Zejnullahu, i lindur në vitin 1998.

Burime të Sinjalit bëjnë të ditur se ai ishte parë nën ndikim të alkoolit, duke lëvizur në mënyrë të pakontrolluar në rrugën “Haradin Bajrami”, ku sulmoi vetura dhe kalimtarë të rastit.

Njësia policore që ka dalë në vendin e ngjarjes ka arritur ta vë situatën nën kontroll, ndërsa në lokacion ka mbërritur edhe ekipi mjekësor. Pas ofrimit të ndihmës së parë, mjekët kanë konstatuar se i njëjti kishte ndërruar jetë.

Në vendin e ngjarjes kanë intervenuar: Hetuesit rajonalë, Njësitë relevante të Policisë dhe Prokurori për krime të rënda, i cili ka urdhëruar inicimin e rastit si “Hetim mbi vdekjen – Trup i pajetë”.

Gjithashtu, në lidhje me rastin është intervistuar një dëshmitar, i cili ka deklaruar se ishte sulmuar nga Agon Zejnullahu pak çaste para se të ndodhte vdekja.

Trupi i pajetë është dërguar në IML për obduksion, ndërsa hetimet janë në zhvillim për të sqaruar rrethanat e plota të ngjarjes.