LAJMI I FUNDIT:
Një aksident i rëndë trafiku ka ndodhur në fshatin Nabërgjan të Pejës, si pasojë e të cilit një person ka humbur jetë.
Përveç viktimës, edhe katër persona tjerë kanë pësuar lëndime trupore.
Ekipet policore kanë dalë në vendin e ngjarjes ku dhe janë marr me rastin.
Rastin e ka konfirmuar Fadil Gashi, zëdhënës i policisë për rajonin e Pejës.
“Vdekjen e viktimës e ka konstatuar mjeku. Katër persona kanë pësuar lëndime trupore”, deklaroi ai.
Rasti po hetohet nga hetuesit e trafikut.
