Gjen granatë dore në oborrin e shtëpisë, ndërhyn policia dhe FSK

Një mjet i dyshimtë i pashpërthyer është gjetur në rrugën “Bejtullah Haxhiu” në Rahovec, gjatë punimeve me ekskavator në oborrin e një shtëpie private.

Ankuesi, një mashkull kosovar, ka njoftuar menjëherë policinë.

Njësitet policore kanë reaguar me shpejtësi duke siguruar perimetrin e vendit të ngjarjes.

Më pas, njësitet e specializuara të Forcës së Sigurisë së Kosovës (FSK), kanë ndërhyrë dhe kanë tërhequr mjetin e dyshuar që ishte një granatë dore e llojit A-6, në mënyrë të kontrolluar dhe të sigurt./Telegrafi/