Lista e re e FIFA-së: Ngritet Kosova, bie Shqipëria

FIFA e ka publikuar renditjen më të re të Kombëtareve për muajin qershor.

Pasi muajin e kaluar Kombëtaret patën angazhime, edhe ranglista pësoi ndryshime, shkruan “Gazeta Express”.

Kombëtarja e Kosovës përparoi për dy pozita, nga ajo e 97-të në të 95-ën falë dy fitoreve të regjistruara në miqësoret me Armeninë dhe me Ishujt Komore.

Ndërkohë, Kombëtarja shqiptare pësoi rënie në renditje, nga vendi i 66-të në atë të 68-të.

Kuqezinjtë barazuan me Serbinë dhe me Letoninë në qershor në kualifikimet e Botërorit 2026. /Gazeta Express