Zjarr në tarracën e Administratës Komunale në Prizren

Një zjarr ka përfshirë këtë mbrëmje një tavolinë rreth orës 21:00 në tarracën e objektit të Administratës Komunale në lagjen “Soziu” në Prizren.

Banorët e zonës kanë njoftuar menjëherë Policinë dhe zjarrfikësit, të cilët kanë reaguar shpejt dhe kanë arritur ta lokalizojnë zjarrin para se të shkaktonte dëme të mëdha.

Zjarrfikësit kanë konfirmuar se situata tashmë është nën kontroll dhe nuk paraqet rrezik për ndërtesën apo banorët përreth.

Shkaqet e zjarrit mbeten të paqarta, ndërsa autoritetet kanë nisur hetimet për të sqaruar ngjarjen.