“Besëlidhja” organizon dhurim të gjakut në Xhaminë e Madhe në Podujevë

Fondacioni “Besëlidhja” do të organizojë të dielën, më 13 korrik 2025, një aktivitet të rëndësishëm humanitar për dhurimin e gjakut, me moton “Dhuro Gjak – Shpëto Jetë”.

Ky aktivitet organizohet të dielën në Xhaminë e Madhe – Podujevë, në ora 11:00 – 13:30.

Ky aktivitet ka për qëllim të nxisë qytetarët të marrin pjesë në një akt fisnik që jo vetëm shpëton jetë, por edhe kontribuon në përmirësimin e shëndetit të vetë dhuruesve.

Organizatorët theksojnë se dhurimi i gjakut është një vepër e madhe humane dhe shpirtërore, që sjell shpërblime e mëshirë nga Zoti i Madhërishëm.

“Ky është një rast për të treguar solidaritet dhe përkujdesje për ata që kanë nevojë për ndihmë. Çdo pikë gjaku mund të bëjë dallimin mes jetës dhe vdekjes,” thuhet në njoftimin e fondacionit.

Të gjithë qytetarët janë të mirëpritur të marrin pjesë dhe të kontribuojnë në këtë nismë humane që synon të sjellë ndryshim pozitiv në shoqëri.