Imami Husamedin Abazi: Po ringjallim jo vetëm një Xhami, por një kujtim të gjallë të historisë sonë

Imami i Xhamisë “4 Llullat” në Prishtinë, Husamedin Abazi ka bërë thirrje për besimtarët myslimanë të kontribojnë për Xhaminë në lagjen 4 llullat në Prishtinë.

Më poshtë postimi i tij:

Ejani ta shndërrojmë lagjen tonë të 4 Llullave në strehën më të bukur të trashëgimisë shpirtërore e kulturore të Prishtinës!

Po ringjallim jo vetëm një Xhami, por një kujtim të gjallë të historisë sonë, një vatër të përbashkët ku lutja, paqja dhe identiteti marrin formë. T’i japim së bashku lagjes sonë pamjen që e meriton – me “Nusen e bukur të Kryeqytetit” në zemër të saj, si simbol krenarie, bukurie dhe përkatësie.

Trashëgimia nuk është thjesht e kaluar – ajo është rrënjë dhe udhërrëfim. Ruaje me dashuri. Ndihmo me zemër. Bëhu pjesë!