Plaku 78 vjeçar kanoset me armë teksa punonte në arë

Një rast kanosjeje me armë është raportuar të shtunën në fshatin Tërdec të Drenasit, ku një 78-vjeçar ka deklaruar se është kërcënuar për jetë nga një familjar i tij gjatë punës në arë, raporton Gazeta Sinjali.

Burimet e Gazetës Sinjali brenda Prokurorisë bëjnë me dije se më 12 korrik 2025, rreth orës 17:30, A. Xh (1947) ka raportuar se është kanosur për vdekje nga A.Xh (1976), i cili sipas viktimës, kishte në dorë një revole gjatë momentit të kërcënimit.

Sipas kallëzimit, ngjarja ka ndodhur teksa viktima ishte duke punuar në pronën e tij bujqësore. Fatmirësisht, në këtë rast nuk ka pasur persona të lënduar, por viktima ka theksuar se është ndier i rrezikuar seriozisht për jetën e tij.

Burimet thonë se motivimi i ngjarjes ende nuk dihet, ndërsa i dyshuari është paraqitur vetë në Stacionin Policor më 13 korrik, rreth orës 00:30, ku është intervistuar në prani të avokatit mbrojtës dhe zyrtarit të Qendrës për Punë Sociale.

Me vendim të Prokurorit të Shtetit, ndaj të dyshuarit është caktuar masa e ndalimit për 48 orë, ndërsa rasti është iniciuar si “Kanosje”