Arsenal afër zyrtarizimit të Gyökeres

Arsenal është shumë afër arritjes së marrëveshjes me sulmuesin suedez Viktor Gyökeres, pas bisedimeve të reja intensive që kanë shtyrë klubin londinez drejt fazës finale të negociatave.

Burime të sigurta raportojnë se “Topçinjtë” janë të gatshëm të ofrojnë 70 milionë euro + 10 milionë euro bonuse, për të siguruar shërbimet e yllit të Sporting Lisbonës.

Pavarësisht lajmeve të mëhershme që sugjeronin se marrëveshja ishte prishur, bisedimet nuk janë ndalur kurrë dhe tashmë Gyökeres është shumë pranë transferimit në Emirates Stadium.