15 vjeçari kapet me armë, dërgohet në ndalim
Gazeta Sinjali mëson se një 15-vjeçar është arrestuar sot në rrugën “Isa Kastrati” në Prishtinë, pasi gjatë kontrollit policor i është gjetur një armë zjarri e llojit pistoletë, me një karikator dhe katër fishekë.
Sipas burimeve të Sinjalit, rreth orës 11:30, Policia ka ndaluar të dyshuarin E.G., 15-vjeçar, i cili armën e kishte në çantën që mbante me vete.
I mituri është arrestuar dhe shoqëruar në Stacion Policor, ku është intervistuar në prani të zyrtarëve për të mitur.
Për rastin është njoftuar Prokurori kujdestar për të mitur, i cili ka urdhëruar që ndaj të dyshuarit të iniciohet rasti penal për veprën: “Mbajtje në pronësi, kontroll ose posedim të paautorizuar të armëve” dhe është caktuar masa e ndalimit prej 24 orësh.
Rasti është nën hetime.
