Arjeta Salihu: Apel për ndaljen e zjarreve në Podujevë

Dy fshatra të Podujevës janë kapluar nga zjarri gjatë ditës së sotme.

Bëhet fjalë për Peranin dhe Dumnicën.

Për këtë gjë ka reaguar deputetja e Lidhjes Demokratike të Kosovës, Arjeta Salihu Abazi.

Në një postim në facebook, ajo ka bërë apel që të ndalen këto zjarre në Podujevë.

Më poshtë postimi i saj:

Apel urgjent për ndaljen e zjarreve në Podujevë
Zjarret në fshatrat e Podujevës po shkatërrojnë toka bujqësore dhe pyje, duke rrezikuar jetesën e fermerëve në kulmin e sezonit.
Aksioni filloi me vetëm 3 zjarrfikës, pa ushqim e pa ujë, dhe po vazhdon me 5 të tillë , të vetmuar në terren, pa mbështetje elementare.

Kërkojmë nga Komuna të ndërhyjë menjëherë me ekipe shtesë dhe të sigurojë pagesën për orët shtesë të zjarrfikësve. Nëse nuk veprohet tani, pasojat do të jenë të pariparueshme.