Kryetari Bulliqi pret në takim nxënësit e Gjimnazit

Kryetari Bulliqi ka pritur në takim nxënësit e deritanishëm të Gjimnazit “Aleksandër Xhuvani”, të cilët kishin sukses në provimet pranuese në fakultet.

Më poshtë postimi i Bulliqit:

Bashkë me drejtorin e Arsimit, Avni Fetahu, me kënaqësi i kemi pritur në Zyrë disa nxënës të deritashëm të Gjimnazit “Aleksandër Xhuvani” dhe Shkollës Teknike “Fan S.Noli”, të cilët shoqëroheshin nga drejtori i Gjimnazit, Naim Raçi.

Këta ish-nxënës të Shkollave tona kanë shkëlqyer në konkursin për pranimin e studentëve në Fakultetin e Shkencave Matematike Natyrore, atë të Inxhinierisë Elektrike dhe Kompjuterike dhe Fakultetin e Arkitekturës të Universitetit të Prishtinës, duke u renditur të parët.

Nxënësit i përgëzova për këtë rezultat dhe iu dëshirova suksese të mëtutjeshme gjatë studimeve!