Gazeta Sinjali mëson se një incident i pazakontë ka ndodhur në Pikën Kufitare në Vërmicë, ku një zyrtar doganor dyshohet se ka kanosur një zyrtar policor, derisa të dy ndodheshin në detyrë.

Ngjarja ka ndodhur më 15 korrik 2025, rreth orës 21:45, dhe është denoncuar nga viktima,zyrtar policor, i cili ndodhej në vendin e tij të punës.

Fillimisht dyshohet se në mes tyre kishte një fjalosje, mirëpo situata erdhi duke agravuar dhe rezultoi me kanosje.

Kanosja është bërë nga kolegu i tij, zyrtar doganor, i cili punonte në të njëjtën kabinë të kontrollit kufitar.

Burimet e Sinjalit bëjnë me dije se pas raportimit, zyrtari doganor është shoqëruar në Sektorin e Hetimeve Rajonale në Prizren, ku është intervistuar në cilësinë e të dyshuarit.

Me vendim të Prokurorisë, ndaj tij është iniciuar rast për “Kanosje”, ndërsa i dyshuari është liruar në procedurë të rregullt.

Hetimet po vazhdojnë.